Avis de décès de Gaietan Thomas Jésus Marx ESCAFIT

Avis de décès

BESIÈRS, COMBRET, MÈSA.
Lo vint-e-cinquen aniversari de sa mòrt es l'ocasion de remembrar a las e los que l'an conegut que cal gardar viva la memòria de
Gaietan Thomas Jésus Marx ESCAFIT
jove occitan,
nascut a Besièrs lo primièr d'abril de 1975,
filh d'Odília VALES e de Joan-Loís ESCAFIT,
frairastre ainat de Còri e d'Enzò PEGLIASCO,
ancian del collègi e licèu Joan Jaurés de Sant Africa,
estudiant de gèni mecanic a l'IUT Paul Sabatier,
que visquèt mai que mai a l'Airòla,
comuna de Combret
Voliá mai de Libertat e
una Solidaritat sens confinhas.
Moriguèt lo 21 de decembre de 1994 dins un accident de motò a Tolosa, consequéncia de tròp d'alcòl plan ocasionalament dins lo sang.
Agissètz ara per pas jamai daissar una femna o un òme que son sang demòra tròp alcoolizat (mai de 0,2 g d'alcoòl per litre) menar un veícul ! Lo grand mairal de Gaietan, Loís Valés, ancian conse de Nagassac (en français Aguessac) e cofondador del Pargue Natural Regional dels Grands Causses, moriguèt a 95 ans lo 18 de genièr passat ; aviá escrich lo quite jorrn de la mòrt de son primièr felen, dins un poèma que li es dedicat e que se legís sus la tomba Escafit al cimentèri de Mèsa.
Uèi un liuç l’a fendasclat, es aquí, jagut en tèrra,
avèm pas ausit lo tron de sa mòrt
e ara, ploram l’esper del nòstre vielhum ...