Avis de décès de Gaietan ESCAFIT

Avis de décès

Aiceste vint e un de decembre de 2015, es lo vint e unen aniversari (tres còps set ans) de la mòrt dins un accident de motò a Tolosa, consequéncia de tròp d'alcòl plan ocasionalament dins lo sang, de
Gaietan ESCAFIT
nascut a Besièrs lo primièr d'abril de 1975
filh d'Odila VALES e de Joan-Loís ESCAFIT
frairastre ainat de Còri e d'Enzò PEGLIASCO
ancian del licèu Joan Jaurés de Sant Africa
estudiant de gèni mecanic a l'IUT Paul Sabatier
Es enterrat al cementèri de Mèsa amb sos grands e reiregrands pairals.
Un brave mercé als parents, amic-ga-s e companhs qu'exprimèron una simpatia compassionala davant aquela mòrt brutala. Se pòdon associar a la presenta commemoration los noms de dos actors majors de la reviscolada occitana de las annadas setanta, mòrts en genièr, Marcèu Esquieu e Ives Roqueta, que Gaietan coneguèt un pauc, e tanben las victimas (de 17 nacionalitats estatalas diferentas), qu'un fum ne eran de la generacion de Gaietan, del crimi contra l'umanitat del 13 de novembre a Paris e Sant Danis, que se pòt dire, coma lo 22 julhet de 1209 a Besièrs, « grand masèl » degut a l'intolerància totalitària.
Gardatz viva la memòria d'aquel jove occitanque voliá mai de Libertat e una Solidaritat sens confinhas, mas tanben agissètz ara per pas jamai daissar una femna o un òme que son sang demòra tròp alcoolizat menar un veícul !
jl.escafit@gmail.com
odile.vales@wanadoo.fr
Depuis mai 2014, sous l'égide de la Fondation de France, la Fondation Gaietan Escafit contribue par des aides financières à des associations à la sauvegarde, au rayonnement et à la valorisation de la langue occitane au travers d'activités éducatives et culturelles comme l'Escòla Occitana d'Estiu de Vilanuèva d'Òut, l'Universitat Occitana d'Estiu de Nimes e lo vilatge Occitan de la feria de Besièrs, et soutient des actions de prévention en matière de sécurité routière en particulier auprès des jeunes, intégrant notamment une sensibilisation aux risques de l'alcool (accueil et animation par l'association Episodes au village occitan de la féria 2015 en partenariat avec lo Camèl de Fuòc).