Avis de décès de Gaietan ESCAFIT

Avis de décès

Aqueste vint e un de decembre de 2013, fasiá detz e nòu ans que moriguèt d'un accident de motò a Tolosa,
consequéncia de tròp d'alcòl plan ocasionalament dins lo sang,
Gaietan ESCAFIT

nascut a Besièrs lo primièr d'abril de 1975
filh d'Odila VALES e de Joan-Loís ESCAFIT
frairastre ainat de Còri e d'Enzò PEGLIASCO
ancian del licèu Joan-Jaurés de Sant-Africa
estudiant de gèni mecanic a l'IUT Paul-Sabatier
Es enterrat dempuèi lo vint e tres de decembre de 1994 al cementèri de Mèsa amb sos grands e reiregrands pairals.
Un brave mercé als parents, amic-ga-s e companhs, mai que mai, costat paire, de Syndex, CFDT, MACIF, LVL, ASTM, Club Mutations puèi Gardarem la Tèrra,
que fogueron e que son un sosten moral dins aquel dòl.
Gardatz viva la memòria d'aquel jove occitan que voliá mai de Libertat e una Solidaritat sens confinhas, mas tanben agissètz ara per pas jamai daissar una femna o un òme que son sang demòra tròp alcoolizat menar un veícul !